Վերջին նորությունները

Մեր միությունը հայաստանյան տեղեկատվական և հեռահաղորդակցական տեխնոլոգիաների ոլորտի (ՏՀՏ) ձեռնարկությունների` շահույթ չհետապնդող, ոչ պետական կառույց է: Ստեղծվել է 2000 թվականին: Միության հիմնադիրներն են. «Միգմա», «Ալգորիթմ», «Լինկ», «Հայկական ծրագրեր», «Արմինկո» և «Սեդիթ» ընկերությունները:

Մեր միությունը ստեղծվել է տեղեկատվական տեխնոլոգիաների /ՏՏ/ և տեղեկատվական և հեռահաղորդակցական տեխնոլոգիաների (ՏՀՏ) ոլորտների ձեռնարկությունների, ընկերությունների տնտեսական շահերի պաշտպանության, բիզնեսի խթանման և ՏՀՏ ոլորտում հետազոտությունների առաջընթացի խրախուսման նպատակով:

Մենք ունենք անդամ ընկերություններ: Ներկայումս նրանց թիվն արագորեն աճում է: 2010թ. մայիսի 25-ի դրությամբ նրանց թիվը հասել է 42-ի` 30-ը լիիրավ, 11-ը` ասոցացված: Մեր անդամները Հայաստանում գործող տեղական և միջազգային կազմակերպություններ են: ԻՏՁՄ անդամները մասնավորապես ներգրավված են ծրագրային ապահովման ստեղծման, ինտերնետ տեխնոլոգիաների և էլեկտրոնային առևտրի, հետազոտման և զարգացման, կիսահաղորդիչների դիզայնի և այլ մասնագիտացումներում: Մի շարք անդամներ գրավում են առաջատար դիրքեր համաշխարհային շուկայում: